YouTube व्हिडिओ
राजहंस प्रकाशन । सफर राजहंसी पुस्तकांची । जगणं कळतं तेव्हा । विद्या पोळ - जगताप
आपण मोठे होतो तसे आयुष्याची गणितं बदलतात. सुखासीन बालपण, तारुण्य मागे पडतं आणि जबाबदऱ्यांचं ओझं नकळत जगणं शिकवतं. संसाराचा गाडा ओढताना एका कोवळ्या मुलीची होणारी ओढाताण आणि त्यातून तिच्यासमोर उभं ठाकणारं जग याची गुंफण म्हणजे 'जगणं कळतं तेव्हा' ही कादंबरी. लेखिका विद्या पोळ - जगताप यांनी लिहिलेल्या या कादंबरीविषयी थोडक्यात माहिती देणारा हा व्हिडिओ नक्की पाहा.
सफर राजहंसी पुस्तकांची | पिरॅमिडच्या प्रदेशात | डॉ. अच्युत बन
पिरॅमिड ही इजिप्तची जगाला असलेली मुख्य ओळख. याबरोबरच येथील प्राचीन मंदिरे, नाईल नदी आणि सगळ्यात महत्वाचे म्हणजे साडेचार हजार वर्षांची प्राचीन संस्कृती. या संस्कृतीचे दर्शन घ्यायचे असेल तर इजिप्तची सफर करण्याला पर्याय नाही. पण सगळ्यांनाच ही सफर करणं शक्य होईलच असं नाही. हेच लक्षात घेऊन लेखक डॉ. अच्युत बन यांनी 'पिरॅमिडच्या प्रदेशात' या पुस्तकातून वाचकांना इजिप्तची अप्रतिम सफर घडवली आहे. जाणून घेऊया नुकत्याच प्रकाशित झालेल्या या आगळ्यावेगळ्या कलाकृतीबाबत...
जीवनगौरव पुरस्कार | अखिल भारतीय मराठी प्रकाशक संघ | मुलाखत | दिलीप माजगावकर | दिलीप प्रभावळकर
अखिल भारतीय मराठी प्रकाशक संघाकड़ून 'राजहंस' प्रकाशनाचे संचालक श्री. दिलीप माजगावकर यांना जीवनगौरव पुरस्काराने सन्मानित केले गेले. त्या कार्यक्रमात श्री. दिलीप माजगावकर यांची मुलाखत ज्येष्ठ लेखक आणि अभिनेते दिलीप प्रभावळकर यांनी घेतली.
सफर राजहंसी पुस्तकांची | श्री शिवराय VP HRD | श्री शिवराय MBA-Finance | श्री शिवराय IAS
छत्रपती शिवाजीमहाराज स्वराज्यसंस्थापक होते, मुत्सद्दी राजकारणी होते, धुरंधर सेनानी होते, चारी दिशांना टपलेल्या शत्रूंना जरबेत ठेवणारे अन् रयतेचे अपत्यवत् पालन करणारे राज्यकर्ते होते. याबरोबरच हा जाणता राजा मानवी संसाधनांची प्रभावी योजना करणारा व्यवस्थापक होता, कुशल, धोरणी अन् यशस्वी अर्थतज्ज्ञ होता आणि सर्वात महत्त्वाचे अत्यंत कुशल प्रशासक होता. त्यांचे हे व्यवस्थापन वर्तमानातही आदर्श आणि मार्गदर्शक ठरते. तेव्हा या कौशल्यांविषयी समजून घ्यायचे असेल तर, वाचायलाच हवीत अशा डॉ. अजित आपटे यांच्या पुस्तकांविषयी...
सफर 'राजहंसी' पुस्तकांची | निळाईच्या छटा
भारतीय वायूसेनेत वैमानिक म्हणून कामगिरी बजावणारे एअर व्हाईस मार्शल (निवृत्त) सूर्यकांत चाफेकर. या जिगरबाज अधिकाऱ्याचे रोमांचक आत्मकथन म्हणजे ‘राजहंस’ प्रकाशित ‘निळाईच्या छटा’ ही कलाकृती. सेवेत असताना चाफेकर यांनी स्वीकारलेल्या जोखमी, त्यांची साहसी वृत्ती आणि केवळ शत्रुलाच नाही तर प्रस्थापित व्यवस्थेला धैर्याने दिलेला लढा या पुस्तकातून आपल्यासमोर उभा राहतो. एका प्रामाणिक आणि स्वाभिमानी वैमानिकाचे आत्मकथन प्रत्येकाने एकदा तरी वाचायलाच हवे...