YouTube व्हिडिओ
राजहंस प्रकाशन | गोष्ट 'राजहंसी' पुस्तकाची | ब्रश माइलेज | रवी परांजपे
चित्रकलेच्या क्षेत्रात आदरानं घेतलं जाणारं नाव म्हणजे रवी परांजपे! चित्रकार म्हणून त्यांचं जीवन समजून घेणं जितकं चित्रकार आणि कलाकारांसाठी महत्त्वाचं आहे, तितकंच सामान्यांसाठीही. एका नामांकित चित्रकाराचं जीवन कसं घडलं याचा आढावा घेणारं ‘ब्रश मायलेज’ हे उत्तम आत्मकथन आहे. रंगांच्या दुनियेत वावरताना आलेले रंगीबेरंगी अनुभव रवी परांजपे यांनी या पुस्तकातून शब्दबद्ध केले आहेत. नुकतीच या पुस्तकाची तिसरी आवृत्ती प्रकाशित झाली. त्यानिमित्ताने चित्रकार राहुल देशपांडे यांनी प्रसिद्ध चित्रकार रवी परांजपे यांची घेतलेली मुलाखत खास ‘राजहंस’च्या वाचकांसाठी...
राजहंस प्रकाशन | संवाद राजहंसी सारस्वतांशी | डॉ. साधना शिलेदार | लोकधुनांतून रागनिर्मिती
भारतीय लोकसंगीताला मोठी परंपरा आहे. विविध प्रकारचे लोकसंगीत, लोकधुन आणि शास्त्रीय संगीत यांचा अतिशय जवळचा संबंध असतो. शास्त्रीय संगीतातील रागनिर्मिती आणि लोकसंगीत हे एकमेकांशी निगडित आहेत. संगीतातील हेच बारकावे आणि तांत्रिक बाबी गायिका डॉ. साधना शिलेदार यांनी ‘लोकधुनातून रागनिर्मिती’ या पुस्तकाद्वारे वाचकांसमोर उलगडून दाखविल्या आहेत. लोकधुन, रागनिर्मिती अशा अनेक महत्त्वाच्या विषयांवर त्यांनी या पुस्तकातून प्रकाश टाकला आहे. ‘राजहंस प्रकाशना’तर्फे नुकत्याच प्रकाशित करण्यात आलेल्या या पुस्तकाविषयी सांगताहेत लेखिका आणि प्रसिद्ध गायिका डॉ. साधना शिलेदार ‘संवाद राजहंसी सारस्वतांशी’मधून...
राजहंस प्रकाशन | संवाद राजहंसी सारस्वतांशी | विद्यानंद रानडे | पाण्या तुझा रंग कसा?
पाणी हा आपल्या सगळ्यांच्याच आयुष्यातील अतिशय महत्त्वाचा विषय. या पाण्याचे नियोजन, सिंचन व्यवस्थापन, पाणीपुरवठा, नद्याजोड प्रकल्प, जलविद्युतनिर्मिती असे एक ना अनेक विषय. पाण्याच्या क्षेत्रात दिर्घकाळ काम केलेल्या विद्यानंद रानडे यांनी या सर्व विषयावर विस्ताराने लिखाण केले आहे. ‘पाण्या तुझा रंग कसा’ या पुस्तकाच्या माध्यमातून पाण्याविषयीच्या अनेक महत्त्वपूर्ण नोंदी यानिमित्ताने नोंदविल्या गेल्या आहेत. या पुस्तकाविषयी आपल्याला सांगत आहेत लेखक विद्यानंद रानडे...
राजहंस प्रकाशन | संवाद 'राजहंसी' सारस्वतांशी | विलास शेळके | धरणसूक्त
आपले रोजचे पाणी धरणातून येते इतकेच अनेकदा आपल्याला धरणाविषयी माहित असते. पण धरण बांधकाम करत असताना त्याला तांत्रिक, भावनिक, सामाजिक असे अनेक कंगोरे असतात. ते समजून घेतले तर त्यातील गुंतागुंत आणि आवाका लक्षात येतो. एकूणच धरणप्रकल्पामागे असणारे जीवननाट्य समजून घेणे हा एक वेगळा अनुभव आहे. धरणाशी निगडित व्यक्ती आणि त्यांचे आयुष्य समजून देणारी ‘धरणसूक्त’ ही आगळीवेगळी कादंबरी. महत्त्वपूर्ण धरणांची उभारणी करणाऱ्या एका कुशल इंजिनियरच्या नजरेतून ही कादंबरी उलगडत जाते आणि धरणप्रकल्पाची सफर घडवून आणते. ‘राजहंस प्रकाशना’ने नुकत्याच प्रकाशित केलेल्या या कादंबरीविषयी सांगत आहेत लेखक विलास शेळके...
राजहंस प्रकाशन | संवाद राजहंसी सारस्वतांशी | संजय बापट | नरभक्षकाच्या मागावर
रभक्षक प्राणी म्हटले की आपल्या अंगावर नकळत काटा येतो. पण केनेथ अँडरसन नरभक्षक वाघ आणि बिबळ्यांची अचूक शिकार करायचा. केवळ शिकारच नाही तर जंगलविषयीच्या अनेक ज्ञात-अज्ञात गोष्टींची सफर घडवणारे पुस्तक म्हणजे 'नरभक्षकाच्या मागावर'. संजय बापट यांनी या पुस्तकाचा मराठी अनुवाद केला असून त्याविषयी ते काय म्हणतात ऐकूया....